ପ୍ରିଜମ ନ୍ୟୁଜ ବ୍ୟୁରୋ: ଦୁନିଆରେ ବିଭିନ୍ନ ପ୍ରକାରର ଲୋକ ରହିଛନ୍ତି। କାହାର ବେଶଭୂଷା ଭିନ୍ନ ତ ପୁଣି କାହାର ଖାଦ୍ୟ ପାନ୍ୟ ଭିନ୍ନ ରହିଥାଏ। ତେବେ ବେଳେବେଳେ ଭିଡ଼ ଭିତରୁ ଗୋଟିଏ ଗୋଟିଏ ଲୋକଙ୍କର ଅଭୂତ କାରନାମା ଲୋକଙ୍କୁ ଆଶ୍ଚର୍ଯ୍ୟ କରିଥାଏ। ଭିଏତନାମର ଜଣେ ମହିଳା ମଧ୍ୟ ଏପରି ଏକ ଅଜବ ଜୀବନ ଶୈଳୀ ପାଇଁ ଚର୍ଚ୍ଚାରେ ଅଛନ୍ତି। ମହିଳା ଜଣକ ଦାବି କରିଛନ୍ତି ଯେ ସେ ଗତ ୪୧ ବର୍ଷ ଧରି ଆଦୌ କୌଣସି କଠିନ ଖାଦ୍ୟ ଖାଇ ନାହାଁନ୍ତି, ବରଂ ସେ ପାଣିରେ କିଛି ମୌଳିକ ଜିନିଷ ମିଶାଇ କେବଳ ପାନ କରି ବଞ୍ଚିଛନ୍ତି।ମହିଳା ଦାବି କରିଛନ୍ତି ଯେ ସେ ୨୨ ବର୍ଷ ବୟସରୁ କଠିନ ଖାଦ୍ୟ ଖାଇବା ବନ୍ଦ କରି ଦେଇଛନ୍ତି ଏବଂ କେବଳ ଲେମ୍ବୁ ପାଣି ପିଇ ବଞ୍ଚିଛନ୍ତି। ଆଶ୍ଚର୍ଯ୍ୟର କଥା, ଏହା ଦ୍ଵାରା ତାଙ୍କ ସ୍ୱାସ୍ଥ୍ୟ ଉପରେ କୌଣସି ଖରାପ ପ୍ରଭାବ ପଡ଼ି ନାହିଁ ।

ରିପୋର୍ଟ ଅନୁଯାୟୀ, ସାଧାରଣତଃ ଗ୍ରୀଷ୍ମ ଦିନରେ ପିଆଯାଉଥିବା ସିକଞ୍ଜ ଅର୍ଥାତ୍ ଲେମ୍ବୁ ପାଣି ହେଉଛି ତାଙ୍କର ମୁଖ୍ୟ ଖାଦ୍ୟ ଏବଂ ଏହା ସାହାଯ୍ୟରେ ସେ ନିଜ ଶରୀରକୁ ସମସ୍ତ ପୁଷ୍ଟିକର ଖାଦ୍ୟ ଦେଉଛନ୍ତି। କଥାଟି ଆଶ୍ଚର୍ଯ୍ୟ ଲାଗିପାରେ କିନ୍ତୁ ଏହା ସତ୍ୟ ଅଟେ।ମିସ୍ ନଗନ୍ ନାମକ ଜଣେ ୬୩ ବର୍ଷୀୟ ମହିଳା ଏହାକୁ ଖାଦ୍ୟ ଭାବେ ଗ୍ରହଣ କରି ବହୁତ ଫିଟ୍ ଏବଂ ସୁସ୍ଥ ଦେଖାଯାଉଛନ୍ତି। ତାଙ୍କ ବୟସଠାରୁ ବେଶ ଛୋଟ ଦେଖା ଯାଉଛନ୍ତି ସେ, ତାଙ୍କ ଭିତରେ ଶକ୍ତି କିମ୍ବା ଉତ୍ସାହର ଅଭାବ ନାହିଁ । ସେ ବିଭିନ୍ନ ପ୍ରକାର ଯୋଗସାନା କରନ୍ତି, ଯାହା ତାଙ୍କୁ ତାଙ୍କ ବୟସଠାରୁ ବହୁତ କମ୍ ଦେଖାଇଥାଏ। ଖାଦ୍ୟ ଭାବରେ ସେ ଗତ ୪୧ ବର୍ଷ ଧରି ପାଣିରେ ମାତ୍ର ଅଳ୍ପ ଲୁଣ, ଚିନି ଏବଂ ଲେମ୍ବୁ ରସ ମିଶାଇ ସେବନ କରିଥିବା ଦାବି କରିଛନ୍ତି। ୨୧ ବର୍ଷ ବୟସ ପର୍ଯ୍ୟନ୍ତ ସେ ଭାତ ଏବଂ ଅନ୍ୟାନ୍ୟ କଠିନ ଖାଦ୍ୟ ଖାଉଥିଲେ, କିନ୍ତୁ ସେ ପେଟ ଜନିତ ସମସ୍ୟା ଏବଂ ଆଖି ଅସ୍ପଷ୍ଟର ସମ୍ମୁଖୀନ କିଛି ବର୍ଷ ତଳେ ପଡ଼ିଥିଲେ। ପରୀକ୍ଷା ସମୟରେ ଜଣାପଡିଥିଲା ​​ଯେ ସେ ରକ୍ତ ଜନିତ ରୋଗରେ ପୀଡିତ ଥିଲେ।

ଅନେକ ଔଷଧ ସେବନ ପରେ ସେ ଖାଦ୍ୟ ଛାଡ଼ି କେବଳ ସିକଞ୍ଜ ବା ଲେମ୍ବୁ ପାଣି ପିଇବା ଆରମ୍ଭ କରିଥିଲେ।ମହିଳା ଦାବି କରିଛନ୍ତି ଯେ ସେ ଖାଦ୍ୟ ଛାଡି କେବଳ ଲେମ୍ବୁ ପାଣି ପିଉଥିଲେ ଏବଂ ସେ ବହୁତ ସକାରାତ୍ମକ ଫଳାଫଳ ଦେଖିବାକୁ ପାଇଥିଲେ ମଧ୍ୟ। ଏହାଦ୍ବାରା କେବଳ ତାଙ୍କ ଆଖି ସୁସ୍ଥ ହୋଇନଥିଲା, ବରଂ ତାଙ୍କର ରୋଗ ଭଲ ହେବାରେ ଲାଗିଲା। ସେ ଡାକ୍ତରଙ୍କ ପରାମର୍ଶରେ ଏହା ଆରମ୍ଭ କରିଥିଲେ, ଯାହାର ନାମ ସେ କହିପାରିବେ ନାହିଁ। ଏହି ପଦ୍ଧତି ସଂପୂର୍ଣ୍ଣ ଅବୈଜ୍ଞାନିକ ଅଟେ, ତେଣୁ ସେ ନିଜ ନାମକୁ ଲୋକଲୋଚନକୁ ଆଣିବାକୁ ଚାହୁଁନାହାଁନ୍ତି। ତାଙ୍କ ଘରର ଲୋକମାନେ ଅନୁଭବ କରନ୍ତି ଯେ ସେ ଏହି ଜୀବନ ଶୈଳୀ ଦ୍ଵାରା ଅଧିକ ଦିନ ବଞ୍ଚି ପାରିବେ ନାହିଁ, କିନ୍ତୁ ଏହା ତାଙ୍କ ସ୍ୱାସ୍ଥ୍ୟ ଉପରେ ଏକ ଚମତ୍କାର ପ୍ରଭାବ ପକାଇଥାଏ। ବର୍ତ୍ତମାନ ସେ ଯୋଗ ଏବଂ ସୁସ୍ଥ ଜୀବନ ଶୈଳୀ ବିଷୟରେ ଲୋକଙ୍କୁ ପରାମର୍ଶ ଦେଉଛନ୍ତି।