ପ୍ରିଜମ ନ୍ୟୁଜ ବ୍ୟୁରୋ: ଆଲୋକର ପର୍ବ ଦୀପାବଳି ଦିନ, ଦେବୀ ଲକ୍ଷ୍ମୀ ଏବଂ ଭଗବାନ ଗଣେଶଙ୍କୁ ପୂଜା କରାଯାଇଥାଏ। ଏହି ଦିନ ବା ଏହାର ପୂର୍ବଦିନ ଧନତେରସରେ କେତେକ ବିଶେଷ ଜିନିଷ ଘରକୁ ଆଣିବା ଶୁଭ ହୋଇଥାଏ ଏବଂ ସର୍ବଦା ଧନଧାନ୍ୟ ଘରେ ଭରି ରହିଥାଏ। ତେବେ ଚାଲନ୍ତୁ ଦୀପାବଳି ଓ ଧନତେରସରେ କେଉଁ ସବୁ ଜିନିଷ କିଣିବା ଶୁଭ ହୋଇଥାଏ। ଦୀପାବଳି ଦିନ, ଦେବୀ ଲକ୍ଷ୍ମୀ ଏବଂ ଭଗବାନ ଗଣେଶଙ୍କୁ ପୂଜା କରିବାର ନିୟମ ରହିଛି। ପ୍ରତିବର୍ଷ ଏହି ପୂଜାରେ ଏକ ନୂତନ ପ୍ରତିମା ସ୍ଥାପନ କରାଯାଇଥାଏ । ଦେବୀ ଲକ୍ଷ୍ମୀ ଏବଂ ଭଗବାନ ଗଣେଶଙ୍କ ମୂର୍ତ୍ତି କିଣିବା ପାଇଁ ଧନତେରସକୁ ସର୍ବୋତ୍ତମ ଦିନ ବୋଲି ବିବେଚନା କରାଯାଏ। ଏହି ଦିନ ଦେବୀ ଲକ୍ଷ୍ମୀ ଏବଂ ଭଗବାନ ଗଣେଶଙ୍କ ଆଗମନ ଘରେ ସୁଖ ଓ ସମୃଦ୍ଧତା ବଢାଇଥାଏ।

ଯଦି ଆପଣଙ୍କ ଜୀବନରେ କେବେବି ଟଙ୍କାର ଅଭାବ ନହେଉ ବୋଲି ଚାହୁଁ ଛନ୍ତି ଏବଂ ସର୍ବଦା ଧନ ଓ ଶୁଖଶାନ୍ତି ବୃଦ୍ଧି ହେଉ ବୋଲି ଚାହୁଁଛନ୍ତି, ତେବେ ନିଶ୍ଚିତ ଭାବରେ ଧନତେରସରେ ଦିନ ଗୋଟା ଧନିଆ କିଣନ୍ତୁ। ଏହି ଦିନ ଗୋଟା ଧନିଆ କିଣିବା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ। ଏହି ଧନିଆ ମା’ ଲକ୍ଷ୍ମୀଙ୍କୁ ଏବଂ ଧନର ଦେବତା କୁବେରକୁ ଏହି ଧନିଆ ଅର୍ପଣ କରାଯିବା ଉଚିତ୍। ଧନତେରସରେ ଦିନ ପିତ୍ତଳ ବାସନ କିଣିବା ସ୍ୱାସ୍ଥ୍ୟ ଦୃଷ୍ଟିରୁ ଶୁଭ ଏବଂ ଲାଭଦାୟକ ବୋଲି ବିବେଚନା କରାଯାଏ । ପିତ୍ତଳ ଭଗବାନ ଧନଭନ୍ତରୀଙ୍କ ଧାତୁ ଭାବରେ ବିବେଚନା କରାଯାଏ। ଏହାସହ ଅନେକ ପ୍ରକାରର ଔଷଧୀୟ ଗୁଣ ମଧ୍ୟ ପିତ୍ତଳରେ ମିଳିଥାଏ।

ଧାର୍ମିକ ବିଶ୍ୱାସ ଅନୁଯାୟୀ, ଧନତେରସରେ ଦିନ ଗୋଟିଏ ଝାଡ଼ୁ କିଣିବା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ। ଝାଡୁକୁ ଦେବୀ ଲକ୍ଷ୍ମୀଙ୍କ ରୂପ ବୋଲି ବିବେଚନା କରାଯାଏ । କୁହାଯାଏ ଯେ ଏହି ଦିନ କିଣାଯାଇଥିବା ଝାଡ଼ୁ ଦ୍ଵାରା ପ୍ରଥମେ ଶସ୍ୟ ଭଣ୍ଡାର ସଫା କରିବା ଉଚିତ୍ । ଏହା କରିବା ଦ୍ୱାରା ଆପଣଙ୍କ ଘରେ ଟଙ୍କାର ସଙ୍କଟ କେବେ ଆସିବ ନାହିଁ।ଧନତେରସରେ ଦିନ କଉଡ଼ି କିଣିବା ଶୁଭ ବୋଲି ଧରାଯାଏ । ପ୍ରାଚୀନ କାଳରେ କଉଡ଼ିଗୁଡିକ ଟଙ୍କା ଭାବରେ ବ୍ୟବହୃତ ହେଉଥିଲା। ଦୀପାବଳି ଦିନ ଦେବୀ ଲକ୍ଷ୍ମୀଙ୍କ ପୂଜାରେ ଏହି କଉଡ଼ି ଅର୍ପଣ କଲେ ଦେବୀ ଲକ୍ଷ୍ମୀ ପ୍ରସନ୍ନ ହୁଅନ୍ତି।