ପ୍ରିଜମ ନ୍ୟୁଜ ବ୍ୟୁରୋ:ଆପଣ ନିଶ୍ଚୟ ଅନେକ ବିବାହିତ ବ୍ୟକ୍ତିଙ୍କ ମୁହଁରୁ ଶୁଣିଥିବେ ଯେ ବାହାଘର ପରେ ବାହା ହୋଇ ପସ୍ତାଉଛନ୍ତି। ସମାନ ସମ୍ପର୍କ ବଜାୟ ରଖିବାରେ ସେମାନଙ୍କର ମନ ନଷ୍ଟ ହୋଇଯାଏ, କିନ୍ତୁ ଆମ ସମାଜରେ ଏମିତି କିଛି ସାହସୀ ବ୍ୟକ୍ତି ଅଛନ୍ତି ଯେଉଁ ମାନେ ଜୀବନରେ ଅନେକ ଥର ବିବାହ କରିବାକୁ ଇଛା କରନ୍ତି ଏବଂ ବିବାହ ମଧ୍ୟ କରନ୍ତି । ତେବେ ଇଣ୍ଡୋନେସିଆର ଜଣେ ବ୍ୟକ୍ତି ତାଙ୍କ ଜୀବନରେ ଗୋଟିଏ କି ଯୋଡିଏ ନୁହେଁ ୮୦ ରୁ ଅଧିକ ଥର ବିବାହ କରିଛନ୍ତି, ଯାହାକୁ ଆପଣ କଳ୍ପନା ମଧ୍ୟ କରିପାରିବେ ନାହିଁ। କୌତୁହଳର ବିଷୟ ହେଉଛି ଯେ ତାଙ୍କର ଏହି ହବି ଏପର୍ଯ୍ୟନ୍ତ ପୂରଣ ହୋଇନାହିଁ ଏବଂ ସେ ୮୮ ତମ ବିବାହ କରିବାକୁ ପ୍ରସ୍ତୁତ ଅଛନ୍ତି।କାନ ନାମକ ଏହି ୬୧ ବର୍ଷ ବୟସ୍କ ବ୍ୟକ୍ତି ତାଙ୍କ ଜୀବନରେ ତାଙ୍କ ବୟସଠାରୁ ଅଧିକ ବିବାହ କରିସାରିଛନ୍ତି । କୌତୁହଳର ବିଷୟ ହେଉଛି ୮୭ ଥର ବିବାହ କରି ସରିଥିଲେ ମଧ୍ୟ ତାଙ୍କ ମନ ଭରି ନାହିଁ ସେ ୮୮ ତମ ବିବାହ ପାଇଁ ପୁଣି ଥରେ ପ୍ରସ୍ତୁତ ହେଉଛନ୍ତି ଏବଂ ଏଥର ସେ ତାଙ୍କ ପୂର୍ବ ପତ୍ନୀଙ୍କୁ ବିବାହ କରିବାକୁ ପ୍ରସ୍ତୁତ ହେଉଛନ୍ତି, ଯାହାଙ୍କୁ ସେ କିଛି ବର୍ଷ ପୂର୍ବେ ଛାଡପତ୍ର ଦେଇଥିଲେ। ଏହି ବ୍ୟକ୍ତି ସ୍ଥାନୀୟ ଭାବରେ ପ୍ଲେବୟେ କିଙ୍ଗ ଭାବରେ ଜଣାଶୁଣା।ଖବର ଅନୁଯାୟୀ, ପଶ୍ଚିମ ଜାଭା ର ମାଜେଲେଙ୍ଗକାରେ ରହୁଥିବା କାନଙ୍କୁ ୬୧ ବର୍ଷ ବୟସ ହୋଇଛି ଏବଂ ସେ ଜୀବନର ୮୮ ତମ ଥର ବିବାହ କରିବାକୁ ପ୍ରସ୍ତୁତ ହେଉଛନ୍ତି। ସେ ଏଥର ବିବାହ କରିବାକୁ ଯାଉଥିବା ମହିଳା ତାଙ୍କର ୮୬ ତମ ପତ୍ନୀ | ତାଙ୍କ କହିବାନୁସାରେ, ସେମାନେ ବହୁ ବର୍ଷ ପୂର୍ବରୁ ଅଲଗା ହୋଇଯାଇଥିଲେ, କିନ୍ତୁ ଉଭୟଙ୍କ ମଧ୍ୟରେ ଏବେ ବି କିଛି ସମ୍ପର୍କ ଅଛି, ଯାହା ସେମାନଙ୍କୁ ପୁଣି ଏକତ୍ର କରିବାକୁ ଯାଉଛି । ସେହି ସମୟରେ କାନ ଏକ ମାସ ପରେ ତାଙ୍କ ପତ୍ନୀଙ୍କୁ ଛାଡପତ୍ର ଦେଇଥିଲେ, ତଥାପି ସେ ତାଙ୍କୁ ଭଲ ପାଉଥିଲେ। ଯେତେବେଳେ ସେ ପୁଣି ଥରେ ତାଙ୍କ ଜୀବନକୁ ଫେରିବାକୁ ଇଚ୍ଛା ପ୍ରକାଶ କଲେ, କାନ ଏହାକୁ ଅସ୍ୱୀକାର କରିପାରିଲେ ନାହିଁ।ଏକ ରିପୋର୍ଟ ଅନୁଯାୟୀ, କାନ ପ୍ରଥମେ ୧୪ ବର୍ଷ ବୟସରେ ବିବାହ କରିଥିଲେ ଏବଂ ତାଙ୍କ ପତ୍ନୀ ତାଙ୍କଠାରୁ ଦୁଇ ବର୍ଷ ବଡ ଥିଲେ। ୨ ବର୍ଷ ପରେ ତାଙ୍କର ଛାଡପତ୍ର ହୋଇଥିଲା କାରଣ ସେ କାନଙ୍କ ମନୋଭାବକୁ ପସନ୍ଦ କରୁନଥିଲେ। ସେ କହିଛନ୍ତି ଯେ ସେ ଏପରି କିଛି କରିନାହାଁନ୍ତି ଯାହା ମହିଳାଙ୍କ ପାଇଁ ଭଲ ନୁହେଁ କିମ୍ବା କାହାର ଭାବନା ସହିତ ଖେଳି ନାହିଁ। ସେବେଠାରୁ ସେ ୮୭ ବିବାହ କରିସାରିଛନ୍ତି ଏବଂ ଏପର୍ଯ୍ୟନ୍ତ ଏହି ସିରିଜ୍ ମଧ୍ୟ ବନ୍ଦ କରିବାକୁ ପ୍ରସ୍ତୁତ ନୁହଁନ୍ତି । ତେବେ ୮୭ ଜଣଙ୍କୁ ବିବାହ ପରେ ଏବେ ତାଙ୍କର କେତେ ସନ୍ତାନ ତାହା ଜାଣିବା କଷ୍ଟକର ହୋଇଛି। କୁହାଯାଉଛି ତାଙ୍କର ୧୫୦ ରୁ ଅଧିକ ସନ୍ତାନ ରହିଛନ୍ତି।